Ka 3rd Division Football Tournament ka West Jaiñtia District Sports Association (WJDSA) wa tip leh kam ka 3rd U Adelbert Laloo Memorial Trophy da pteiñ biang ya ka ynne ka sngi da le tylli ki yalehke.
Ha ka yalehke wa nyngkong, ka Nonglatem SC da jop ko yaka Loompyrdi Iongpiah da 6-0 lyngba ki kool wa thap da u Tomi Lamare ha ka minit wa 16, u Living Suja ha ka minit wa 22, 52, 54 wa 60 wa u Iakhroo Laloo ha ka minit wa 30 uwa da thap bakla pyn cha ka liang yong oo hi.
Ha ka yalehke wa ar, ka Lumbhahdakha da jop ko yaka Pammanik da 2-0 da ki kool wa thap u Sumarmiki Suting ha ka minit wa 38 wa u Pynkhreh Talang ha ka minit wa 66.
Ha ka yalehke wa le won, ka Nangbah Mooknor da pynrem ko ya ka Tpe-Pale da 2-0 lyngba ki kool wa thap u u Poimidanial Thubru ha ka minit wa 49 wa u Soki Lamare ha ka minit wa 60.
