450 klur yoh ka jylla wow pynkhreh ya ka National Games

Shillong: Ka sorkar jylla da yoh ko T. 450 klur neibynta wow pynkhreh ya ka lympung National Games 2022.

Ynne ka sngi, ka National Games Organising Committee (NGOC) wa khlieh da u montri rangbah u Conrad K Sangma, da ya phyllu ko ya i emkaam wow pynlai chakhmat ya kani ka lympung yalehke kawa heh dooh ha ka ri deilang wa i emlang kiwa kitkaam ka Meghalaya State Olympic Association (MSAO).

Ha ka yalang, da yaklam ya ki jait yalehke wow pynyalehke ha ki madan, i pynbiang ya ki emkaam kam ka um, ka bordiñ wa kiwi.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

U montri rangbah da pyntip u wa da yoh T. 450 klur na ki chnat sorkar waphær wapher wa kynthup na ka Ministry of Social Justice ka sorkar India, NEC, Tribal Affairs wa na kiwi ki chnat sorkar. Da ong u wa ka yalang da yaklam kammon wow pynlai ya ka kaam kam i jied ya ki thaw, wow khut tender wow sdang ya i kreh wa kiwi deilang wa i booh por wow pyndep ya ki kaam.

Ha i jooh i por, da ong wa ka sorkar daw pynkhreh ko leh wow e sikai yow pynbniah ya kiwa yalehke wow pynbiang ya ki emkaam khnang wow ye ki u rah ya ki khusnam na kani ka lympung.