theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

Lada yoh ILP, daw lai chakhmat i chna luti rel ha Meghalaya

Advertisement ad1

Shillong: Ka sorkar jylla ye ko wow lai chakhmat wow pynpoi ya ka luti rel ha kani ka jylla lada ka sorkar India ka pdiang ko yaka rai wa chim da ka dorbar MLA wow pynkrehkaam ya ka Inner Line Permit (ILP).

Hawa yaklam wa u Symbood Montri Rangbah ka Meghalaya, u Prestone Tynsong da pyntip u wa ka sorkar ynnne ka dang ya pynbait ki wa ki kynhun waphær waphær nadooh ki wakreh mon sñiawbha, ki seiñbhalang kiwa da pynsñiaw yei sñiaw syier wa lada wanrah ya ka luti rel, i wan yong ki bru wa na baar leh daw nang joor. Tangwa da ong u wa lada ka sorkar India pdiang ko ya ka rai yong ka dorbar wow pynkrehkaam ya ka ILP, ya ini i eh leh daw ye u pynbait noh.

Da pyntip u wa ha i yaklam wa ki seiñbhalang, i sñiawkhia yong ki toh wa ya yoh psiah ki bru kiwa na baar lada wanrah ya ka luti rel, kamjooh ka sorkar jylla leh em ko i jooh i sñiawkhia wa dang thooh ya ki laad wow pyndooh ya ini i eh deiwa mynjur leh ya ka Meghalaya Residents Safety and Security Act, 2016 ya kawa da pynkylla thymme biang wow pynkhlan chooh chooh ha u snem 2019.

Chooh chooh u Tynsong da pyntip u wa ha ka yalang wa ki heh ka chnat Railway, da kular ki wow e thaw wow chna yaka khyrdop (Entry & Exit Point) ha kani ka jylla, da iwa pyntip leh wa da e ya ka thaw wow chna khyrdop ha Mendipathar kawa em ya ka luti rel.

Da ong u wa ka kaam dang lai ko wow chna ya katai ka khyrdop ha i thaw wa da pynbiang da ka Company wa chna ya ka luti rel.

U Tynsong da pyntip u wa i chna yaka luti hadooh khappood wa ka Assam da lai ko chakhmat katni wow pynpoi hadooh Byrnihat, Ri-Bhoi District, wei ha katai ka thaw leh, ka sorkar daw booh ya ka khyrdop hadien wa da pynbait ya ki wa emkaam waroh.

Share this:
Previous

Da pynkylla yei rukom pynlai kari ha Shillong

Next

450 klur yoh ka jylla wow pynkhreh ya ka National Games