15 49.0138 8.38624 1 0 4000 1 https://wyrta.com 300 0

48.6% ki kynthai kha khon ki ha yung: Ampareen

0 Comments
Advertisement ad1

Shillong: Ka Committee on Empowerment of Women (CEW) da pynman yalang ko wa ki sahep ka chnat Health Department, neibynta wow paan yutip yei krehkaam yong ki Hospital kiwa em ha ka jylla.

Hawa yaklam wa ki laad pathai khubor ka Chairperson yong ka CEW kawa man leh ka MLA na East Shillong, ka M Ampareen Lyngdoh da ong ko wa ka Committee da paan yutip ko na kini ki sahep chaphang ki Maternity Wards namo ki thaw thiah thaw ki kynthai wa dang dep kha khon ha ka jylla, i rukom man ki thaw sumaar kam ki CHC, ki Civil Hospital wei da phah wow pyntip chaphang ini waroh ha chwa ka 11 tarik uni u bnai.

Advertisement ad1

Ka Ampareen da ong ko wa ka Committee da yaklam rap bniah hajrong i rukom sumaar ya ki manbei wa dang pun khon wei kamjooh ya ki khonboo neibhah da yoh yutip wa katni hadooh 48.6% ki khonboo da pynkha ha yung kawa da wanrah yei maa ya i chait i khiah ya ka bei wa ya ki khonboo.

Ka Ampareen da ong ko leh wa ka Committee sniawkhia ko leh yei wym yoh ya kiwa kreh ASHA wa i su iwa biang nalor wa da pynkhia ya i kreh ha ki.

Da ong ko wa kiwa kreh ASHA toh u yoh chuti ki ha i por wa kha khon wa kiwi kiwa emkaam ki, wei ha i jooh i por da ong wa ka Committee daw chong yalang wa ka chnat Health wa Labour ka jylla wow pyntikna wa kiwa kreh ha ki kyrdan waphær waphær u yoh ki ya ka yarap kamwa man ya kiwi khamtam ha i por wa kha khon.

Ha iwi i liang ka Ampareen da pyntip ko wa ka Committee daw lai sylli ki ya ka Ganesh Das Hospital ha ka 13 tarik uni u bnai, wei kamjooh wow thooh yutip wa slem wow pyndep ya i chna thymme ya katai ka Hospital kawa ya ka poisa da dep wow pynlait nadooh u snem 2012.

Neiliang u Himalaya Shangpliang da ong u wa kiwa boon ki CHC dang emkaam wow pynjanai chooh chooh ya i krehkaam neibhah wa hadooh katni dang em boon ki duna neibhah lada i kreh da dep tangwa kiwa kreh won ym pu em biang wei kamjooh ki thaw pooid.

Heiyatoh won wa ka chnat Social Welfare ka Committee on Empowerment of Women da phah wa da toh wow pynlait noh ya ka Chief Minister Special Assistant ya ki bru wa toh u yoh ya kani ka Scheme khlem da pynchitom ya ki ha ka lai ka wan.

Ka Ampareen da pyntip ko leh wa em kamwa 53,000 ngut ki bru nadooh kiwa duna i bynta i doh i pran, ki tymmen wa ki manbei wa chong samen wa toh u yoh ki ya kani ka Scheme.

Da khana ko leh wa ka CEW da phah pynkrehkaam noh ya ki ar tylli ki Women’s Hostel wa kamjooh ki Shelter Home wow booh biang sa ar tylli, kawi ha Tura wa kawi ha Jowai neibhah kamwa man kattæ kine ki Shelter Home da booh du ha Shillong wa Nongstoin.

Chooh chooh ka Chairperson da ong ko wa boon ki kynthai ym tip ki chaphang u number 181 wow yarap ya kiwa chah lehbeiñ chah thombor wei ka CEW da sniaw ko wa dang emkaam leh sa ka One Stop Crisis Centre wow yarap ya ki kynthai kiwa chem chitom.

Advertisement ad1

0 Comments

Leave a Reply