I kær ya u pood India Bangladesh ha ki bynta ka South Garo Hills Meghalaya da wanrah ko yei khyrngiat ya ki 82 tylli ki manyung wa haap hapoh ka Rongara-Siju Constituency kiwa dapoi cha ka “No Man’s Zone” kawa man ka thaw wym em wa yoh u kamtre wa em hapyrdi ki ar ri.
Neiliang u MLA ka thaaiñ, u Rakkam Sangma da ong u wa i rukom kær pood toh iwa khlem da bood ya ki kyndon hadooh wa jia kamni ya kini ki manyung kiwa dapoi rap chajan ka Bangladesh deiwa ong u leh wa em i leh bakla hadooh wa man kamni hawa kær ya u pood.
U Rakkam da ong u wa i kær ya u pood da leh cha palat ka 150 Yards deiwa kheiñ na u Zero Line uwa man kam u pood ka India-Bangladesh wei deiwa leh bakla kamni da em ki thaw ka India kiwa da dooh wei neiliang yong oo daw lai yaklam u wa ka Home Ministry yow pyntikna wa kini ki manyung u yoh biang ki yei yung ki.
Da ong u leh wa da jia ini toh wa em ki thaw wa kær ymtoh deiwa kheiñ 150 Yard tangwa dapoi 300, 400 hadooh 500 Yards na u Zero Line hadooh wa dooh yei thaw ka Meghalaya.
Kamtæ da ong u wa emkaam wow yada ya kini ki manyung neibhah da khuslai ki wa daw chah kheiñ ki kam ki nong Bangladesh.
Kini ki manyung kiwa dapoi cha “No Man’s Zone” ye ki wow dooh yei yarap na ka sorkar kamjooh i yada katkam ka aiñ.
Discussion about this post