U Montri Rangbah ka jylla, u Conrad K Sangma da ong u wa ka Vibrant Village Programme (VVP) toh kawa da pynbna da ka sorkar pyrdi wei ha ka Phase One da kynthup ya ki chnong kiwa haap ha khappood wa ka China, wei hadien won ka sorkar pyrdi da pynbna ko wa 92 tylli ki chnong ha khappood wa kiwi ki ri wei da khana u wa hawa pynkrehkaam ya kani ka Programme haka Phase Two, da kynthup leh ya ki chnong ka Meghalaya wa em ha khappood wa ka Bangladesh.
Hawa jubab yeini hapoh ka yung dorbar ynne, da ong u wa i jied ya ki chnong wow pynkrehkaam ya ka Vibrant Village Programme da leh da ka Ministry of Home Affairs (MHA) yong ka sorkar India, wei hadooh kattæ da em 92 tylli ki chnong hapoh ka ri kiwa da chah jied wow pynkrehkaam neibynta kani ka Programme.
Katkam wa pyntip u Conrad, ka thong wa hakhmat dooh yong ka Vibrant Village Programme toh hajrong ki 4 bynta wa kynthup ya ka mang poisa ya ki sarok, u pynpoi ya ka 4G Internet wa ki TV Connection wei wow pynpoi leh ya ka bordiñ.
Hawa yatoh wa ki kaam pynroi ha khappood wa ka Assam, da ong u wa ka sorkar jylla da mang ko Rs.14.99 klur ha ka mang tangka yong u snem 2025-26.
Discussion about this post