U montri khynnah ka sorkar pyrdi uwa pait ya ka Development of North Eastern Region (DoNER), MoS PMO, Personnel, Public Grievances, Pensions, Atomic Energy and Space, u Dr. Jitendra Singh ynne da ong u wa ka sorkar lyngba ka Gaganyaan programme angnood ko wow phah bru cha haw-haw (Space).
Yeini da ong u ynne ka sngi hawa e jubab ha Rajya Sabha deiwa ong leh wa da angnood wow pynyoo wa ye u phah ya ki bru cha ka Low Earth Orbit (LEO) lyngba ki Indian Launch Vehicle wei wow wanrah biang ki cha pyrthai.
U Dr. Jitendra Singh da pyntip u leh wa ka ISRO da chemphang bha ko wow phah ya ki kor wa ki tiar cha haw-haw wei dang boon ki kaam daw leh ko khamtam heiyatoh wa i chngaaiñ ki bru wow uiñ biang cha pyrthai.
Da ong u leh wa man i iwa sñiawsarong wa ki Scientist na India yakrehlang ki chirup wa kiwi ki ri ka pyrthai wei ka sorkar leh daw yarap ko ya ki.
