Ka 8th U Kiang Nangbah Memorial Inter Office Football Tournament 2021 kawa da pynman da ka Meghalaya State Government Employees’ Federation, Jaiñtia Unit ha Kiang Nangbah Stadium, Jowai da pteiñ ya ka ynne da ka yalehke hapyrdi ka PWD XI waka Water Resource XI heipor 10:30 i step.
Ha kani ka yalehke, ka PWD da jop ko da 2-1 ya ka Water Resource.
Ka kylla step da kut ko da 1-1 heiwa ka Water Resource da thap kool nyngkong ko ha ka minit wa 6 lyngba u Lawrence Lyngdoh katwa ya ka PWD da thap ha ka minit wa 25 da u Lewan Sa-O Laloo.
Ha ka kylla miet da pynjop ya ka PWD ha ka minit wa 70 da ka kool lyngba u Lah I Mon Sumer.
