Ka Azariah FC da yoh ko wow psiah Semi Final ha ka 6th Invitation Wahiajer Football Tournament 2022 wa pynman da ka Wahiajer Sports Club ha Wahiajer hi deiwa jop ya ka Da-I-Hi SC da 6-1.
Ya ka kool wa nyngkong da yoh wow thap da ka Da-I-Hi lyngba u Pyniarbha Pyrtuh haka minit wa 2. Ya ki kool ka Azariah da yoh thap da u Samson Nongrum haka minit wa 5,35 wa75 wa na u Aenam Jyrwa haka minit wa 63,79 wa 80.
Yei naam Man of the Match da yoh rah da uwa yalehke ka Azariah, u Aenam Jyrwa heiwa ya kani ka khusnaam da saam da u Hillel Issac Susngi uwa man leh u Tournament Secretary.
Ka yakhun wa bood u man ko haka 25-03-2022 kawa man leh ka yakhun Quater Final wa khaddooh yong kani ka Tournament hapyrdi ka Ehrngiew FC pyrchah ya ka LRW FC heipor 2:00 waje i sngi.
