Jop ka Mukhla, ka Mookynphad waka Newhill haka 3rd Division ka WJDSA

Ka 2nd U Adelbert Laloo Memorial Trophy kawa man leh ka 3rd Division Football Tournament ka WJDSA da pteiñ biang ya ka ynne ka sngi da ki le tylli ki yalehke.

Ha ka yalehke wa nyngkong, ka Mukhla Umlangshor da jop ko ya ka Chyrmang Wah da 3-0 da ki kool wa thap u Kitkhia Suna haka minit wa 26, u Ovenson Symblai haka minit wa 65 wa u Damihbiang Shylla haka minit wa 71.

Ha ka yalehke wa ar won ka Mookynphad Mihmyntdu da jop ko ya ka Mynso Blazon da 5-1.

Ya ka Mookynphad Mihmyntdu da thap da u Arwan Rymbai haka minit wa 22,60 wa 70, u Wailad Shylla ha ka minit wa 63 wa u Happening Lyngdoh ha ka minit wa 66. Katwa ya ka Mynso Blazon da thap da u Sorsa Syntem haka minit wa 20.

Related posts

Jop ka Satpator wa Amjajer Roko ha ka 2nd Division, ka Iaikyntiew Pamtbuh ha ka 1st Division ka ASSA

November 2, 2026

Jop ka Bamkamar ha ka 1st Division, ka Lumphyrnai Sohphoh ha ka Super Division

November 2, 2026

Ha ka yalehke wa khaddooh won, ka Newhill da jop ko yaka Mookaswan Dongwah da 2-0 lyngba ki kool wa thap u Rguel Dkhar ha ka minit wa 20 wa u Odame Lyngdoh haka minit wa 60.

Ka yalehke mynstep ka 14 tarik toh hapyrdi ka Mulang Ialong waka Loompyrdi Iongpiah heipor 11:00 waje i step, ka Ksehsylle Ialong waka Samaro FC heipor 1:00 waje i sngi iwa daw pynkut daka Lumchyrmang Mihmyntdu waka Riatsaliya Mihmyntdu heipor 3:00 waje noh chariñ ka sngi.