U SP ka East Jaiñtia Hills da pyntip u wa hei miet ka 8 tarik uni u bnai heipor kamwa 10:45 da em kiwa thang yei yung u waheh chnong warim ka chnong Rymbai uwa chong wa sah ha Rymbai lawpynsin wei kini kiwa thang da thmu ki wow pyndooh syndon yei mynsien i bru kamjooh i yung i sem.
U SP da pyntip u leh wa ki paidbah ha katai ka miet da yoh ki wow ksoh ya uwi u bru wa tip kam u Deishim O. Lamurong uwa na ka chnong Rymbai Shynrang Sakhain heipor wa thang u ya ini yung katwa kiwi won kiwa emktilang da yoh ki wow yut deiwa chim kabu yei miet.
Uwi won u bru wa tip kam u Heisalon Dkhar uwa kreh ha MeECL Control Room da suba wa emkti u ha ini i kaam deiwa tympleh u yei bordiñ chwa wow chah thang ini i yung.
Heiyatoh wa ini, ki pulit ka Khliehriat Police Station da pynngat ki ya kiwa emkti hapoh ki kyndon ka Section 120B/307/427/436/506/34 ka IPC wei da dep wow Register ya ka Case.
Ka takit dang lai ko chakhmat yow tip ya kiwa emkti ha ini i kaam wei da dep wow yoh kem ya 11 ngut wa kynthup ya 3 ngut kiwa kreh ka MeECL kiwa da tynyap chynnam ya ka bordiñ hapoh ka chnong Rymbai yow yarap ya kiwa thang yei yung.
Kiwa chah kem toh kini ha wah:
U Deishim O. Lamurong (26 snem), na ka chnong Rymbai Synrang Sakhain.
U Bakstar Dkhar (32 snem), na ka chnong Rymbai Synrang Sakhain.
U Cherishme Dkhar (23 snem), na ka chnong Rymbai Synrang Sakhain.
U Eborlang Nongtdu (35 snem), na ka chnong Rymbai Synrang Sakhain.
U Emerson Dkhar (25 snem), na ka chnong Rymbai Synrang Sakhain.
U Roilang Dkhar (36 snem), na ka chnong Rymbai Synrang Sakhain.
U Henry Shangpung (32 snem), na ka chnong Rymbai Synrang Sakhain.
U Thynda Lyngdoh (36 snem), na ka chnong Rymbai Synrang Sakhain.
U Heisalon Dkhar (33 snem), na ka chnong Rymbai Synrang Sakhain uwa kreh ka MeECL.
U Elius Wanniang (40 snem), na ka chnong Mawkyrwat uwa kreh ka MeECL.
U Rishotlang Bareh (31 snem), na Khimmusniang, Jowai uwa kreh ka MeECL.
