Ka East Jaiñtia Hills District da yoh ko yei kyrdan wa hakhlieh dooh napyrdi ki District wa chimbynta haka yakob yah Cycle ka 5th Meghalaya Games kawa da pynman ha Tura.
Ha kani ka yakob kawa da sdang nadooh ka 17 hadooh 19 tarik ha Rongkhon wa Darechikgre, neiliang ka East Jaiñtia Hills da yoh ko wow pynlang hadooh 12 tylli ki takma kiwa kynthup ya 5 tylli ki Takma Ksiar, 4 tylli ki Takma Rupa wa 3 tylli ki Takma Tama.
Ka Eastern West Khasi Hills da yoh ko wow khur 7 tylli ki takma kiwa kynthup ya 3 tylli ki Takma Ksiar, 3 tylli ki Takma Rupa wa kawi ka Takma Tama.
Ya ka kyrdan wa le da yoh ksoh da ka South West Khasi Hills kawa da yoh 8 tylli ki takma wa kynthup ya 2 tylli ki Takma Ksiar, 3 tylli ki Takma Rupa wa 3 tylli ki Takma Tama.
Ka North Garo waka West Garo Hills da yoh ki mar kawi ka Takma Ksiar katwa ka East Khasi Hills da yoh ko 2 tylli ki Takma Rupa wa 2 tylli ki Takma Tama.
Discussion about this post