Iwa sdang u Swapnil Tembe uwa man kam u Director ka School Education & Literacy hapoh Meghalaya wow lai kreh dei kjat chisien chi tayaaw haka sngi Wednesday kawa da e pyrtuid “Walk to Work Wednesday” da yah ko chei sdang da ka Shillong Walk Club.
Neiliang kiwa kreh ka Directorate of School Education & Literacy deilang waka Samagra Shiksha Meghalaya da sdang ki leh wow sap da ki T-Shirt wa em ki kyntien wa thoh Walk Shillong wei da leh yeini kam chibynta wow yoh yei chait i khiah wei kamjooh leh wow pynkyllooid ya ki luti syngkieñ.
Kam chibynta wow yah chooh chooh ya kani ka kaam chakhmat, da ya krehlang waka Yona Wellness & Healthcare heiwa da pynman yaka Yoga & Health Camp neibynta kiwa kreh ha kani ka tayaaw wa dep wei da hikai leh kammon wow pynbait doh du deiwa pynemkaam yaka chuki kamjooh leh i rukom riñ mynsien yow lait ki nei lynga wei pisa mynsien hawa joor khia kreh.
Kam wow pynkynmoo wa yeini lai kreh dei kjat da sdang nadooh ka 3 tarik u bnai nyngkong uni u snem.
Discussion about this post