U Montri Rangbah ka Meghalaya, u Conrad K Sangma ynne dang step heipor 6:30 da lai yieñ line u yow yoh u thap Vote smat ha Walbakgre Polling Station wa em ha Tura heiwa da wan u cha kani ka thaw deiwa yah hi yaka kari.
Ka thap Vote ynne ka sngi toh kawa da pynman ha ki 102 tylli ki Constituency ki jylla ka ri wei da sdang yei thap Vote nadooh 7:00 waje i step hadooh 4:00 waje i janmiet.
U Conrad hawa e yei klam da ong u wa da wan tyrnit deiwa yooluti wow yoh u thap smat yaka Vote u, tangwa da phylla u wow yoo wa da em boon ki bru kiwa da yieñ line chwa.
U Conrad da yah u leh da ka kari hi u yow poi cha kani ka thaw thap Vote wei da hap u wow yang ar kynta chiteiñ hadooh wa yoh u u thap Vote.
Ka kyrtong ka NPP kawa man leh ka MP wa katni, ka Agatha K Sangma dapoi ko ha kani ka Walbakgre Polling Station heipor 7:30 i step wei da yieñ line ko yow thap yaka Vote ko.
U Conrad da khana u wa waroh kiwa em wow synraan wei wow yada ya oo da phah wow lai thap Vote ki wei kiwa em wa oo toh kiwa dadep donhi u thap Vote.
Ka NPP National Treasurer kawa man leh ka kurim u Conrad, ka Dr. Mehtab Sangma da thap ko yaka Vote yong ka ha Ringre Gittim Polling Station ha Tura.
Discussion about this post