Ka ABVP Meghalaya da sñiawkhia ko yeiwa jia ha South West Garo Hills ha ka 17 tarik uni u bnai heipor wa man ka Chenga Benga Mela ha chnong Gandhipara heiwa da chah slaitbor ki ar ngut ki khynnah kynthai.
Ka seiñ da ong ko wa kini kini ki ar ngut ki khynnah kynthai wa sah ha khappood Assam-Meghalaya da chah slaitbor ki ha ki damok wa boon ngut kiwa da tymmoh khmat wei da dat leh ya ki ar ngut ki khynnah chynrang wa emlang wa ki.
Ini da jia i heipor 9:30 i miet ha katai ka sngi ha i thaw wa jngai du kattu katni Meter na i thaw wa man kani ka Mela.
Hajrong ini ka ABVP Meghalaya da beiñ joor ko ya ini iwa jia deiwa dawa leh ya i hok yong kini ki khynnah kamjooh leh da kyntu ko yaka imlang sahlang wow beiñ ya kam kini ki kaam.
Ka seiñ da ong ko leh wa hanla palat chi tayaaw nadooh wa jia ini tangwa sñiawsih ko wow yoo wa ka sorkar ym chimkhia ko yeini deiwa kyntu ya ka sorkar wow leh yeiwa emkaam wut-wut wei wow pynchitom ya kini ki damok.
Da phah leh yei sñiawlem cha kiwa ha-yung ha-sem kiwa da maad ya ini wa sñiawsih, deiwa ong wa ka seiñ u lai ko chakhamt wow dawa yei hok kini ki khynnah wa dang lai skur.
Discussion about this post