Ujor ka MPUF ha u DMHO pyrchah ya kawi ka Doctor ha Khliehriat Civil Hospital

Ynne ka sngi ka MPUF East Jaiñtia hapoh i yahkhmat u President yong ka, u Kyrshan Blah da lai e dhorkat ko ha u District Medical & Health Officer ka District, yow ujor hajrong i klam pynkhor ka Doctor ya kawi ka manbei wa lai chim dawai (Check Up) ha ka.

Ka seiñ da ong ko wa da yoh ujor ko na kawi ka manbei kawa da chah klam khor palat ha kawi ka Doctor wa tip kam ka Dr. C. Wan kawa man ka OBG Specialist (Obstetric and Gynaecologist) kawa da beh ya kani ka manbei deiwa ong wa ymtoh de u wan chim dawai na kani ka thaw sumaar sorkar ka Khliehriat Civil Hospital.

Ka seiñ da ong ko wa mar ya kylli kani ka manbei yei daw wa klam ko kamni, kani ka Doctor da jubab ko deiwa ong wa da ngiah ko wei kattu u pait bru tangdep donhi ko wei mar sñiaw yeini kani ka manbei da mih noh ko na kani ka thaw sumaar wa ki umkhmat wa joo. 

Neiliang u Kyrshan Blah da beiñ joor u ya kani ka Doctor wei da kylli u yaka lada wan sumaar bru ko kam ha ki thaw sumaar ki bru samen namo kam kawa kreh sorkar.

Related posts

Chah kem 8 ngut kiwa slaitbor ya ka khynnah wa dang 15 snem deiwa rahbor ka heipor wa lai mihlait

January 11, 2026

I yap u Garo toh neidaw wym ye ka sorkar wow pynsangeh yei tih mar pohkhyndaw pyrchah aiñ: BJP

January 11, 2026

Chooh chooh da ong ka seiñ wa kwah ko wow em ki Doctor kiwa ye u pynyatoh wa kiwa kjut khnang wa ki paidbah leh u rap suk mynsien ki.

Hadien i yachem, neiliang u DMHO leh da kular u wow chimkhia ya ini i ujor ka seiñ.