Ka Meghalaya Human Rights Commission da chimkhia ko yeiwa jia wa em uwi u bru wa pasi ya idæ hapoh thanat ka Khanapara Police Station, Ri-Bhoi District haka 26-04-24.
Uni u bru toh uwa tip kam u Rudra Rabha, wei neiliang ka Commission da phah Notice ko cha u Director General of Police, Meghalaya wow e u yaka bui wa bniah namo ka Detailed Report katkam ki kyndon ka National Human Rights Commission ha næ chwa ka 17 tarik uni u bnai.
Kam wow pynkynmoo wa u Rudra Rabha toh uwa da chah kem ha ki pulit haka 24 tarik u bnai wa dep neidaw wa lute bru u, maham bru wei da li yah u leh yaki pulit cha iwi i khloo haka sngi wa bood yow pynyoo yei thaw wa murieh u yaka suloi u, wei hadien ini heipor kamwa 1:05 i step synyaaw ka 26 tarik won da li booh oo hapoh ka Khanapara Police Station yow kset ya oo.
Heipor kamwa 4:00 waje i step won da chem wa uni u bru da pasi u ya idæ hapoh thanat ha i thaw wa kset ya oo deiwa pynemkaam da ka that kup thiah.
Discussion about this post