26,000 tylli ki krem mooyong ha East Jaiñtia kiwa daw hap u khang u kset

Ka Single Member Committee wa khlieh da u Justice (Rtd) B.P. Katakey wa da thung da ka Meghalaya High Court heiyatoh waka mukotduma pyrchah yei tih mooyong pyrchah aiñ heiwa kani ka Committee i kaam ko toh yow pyntikna wa da pynkrehkaam ya ki hukum wa da pynmih da ka Supreme Court kamjooh ka NGT, ha kani ka kynti da phah ko ya ka 22^nd Interim Report.

Ha kani ka Report da kdaw wym pu em bood yaka hukum wa phah khang, phah tlep ya ki krem mooyong namo paar mooyong hadooh kattæ leh wei ka rukom khang ya kini toh iwa dang pynkhreh lyngba ka Detail Project Report (DPR) wa leh da ka Central Mine Planning & Design Institute Limited (CMPDI).

Kani ka Committee da pyntip ko wa kamwa man kattæ du ha East Jaiñtia Hills da em 26,000 tylli ki Rat-Hole Coal Mine wa da hap wow khang noh neibhah ym chah de ya ini i rukom tih mooyong.

Da ong leh wa kini ki krem mooyong da booh ki hei maa ya ki bru kamjooh ki mrad lada ym khang ym kset ki.

Related posts

Pyrchah ka India yei thmu ka IMF wow e yarap poisa ya ka Pakistan da ki Billion Dollars

May 9, 2025

Sangeh yakhih ka MCTODA | Da e por ya ki karkhana Coke 10 sngi

May 9, 2025

Neiliang ka Committee da ong ko wa i khang ya kini ki krem mooyong toh u leh smat khlem pynslem da ka chnat Mining & Geology ka Meghalaya wei toh u pynkhreh leh yaka DPR.

Heiyatoh won wow e Environmental Clearance cha kitu kiwa da yoh yei mynjur yaka Mining Plan da ka sorkar pyrdi yow sdang tih mooyong, neiliang ka State Expert Appraisal Committee (SEAC) won dang bichaar ko ya ini i rukom tih mooyong wa da e da ki bru samen wei daw ye u chimpor hadooh 3-4 bnai chwa wow yoh yei mynjur.