Ka Synjuk Ki Rangbah Kur Ka Bri U Hynñiewtrep, da pynyaar ko ya ya ki chnat yong ka deiwa dadep seiñ ha kylleiñ ka Bri U Ynñiawtrep wa kynthup ha East Khasi Hills, West Khasi Hills, South West Khasi wei ynne ka sngi sa ha Jaiñtia Hills.
Yeini da leh ha ka yalang wa da pynman ha yung krehkaam ka Dorbar Chnong Ialong wei da klam pynche chaphang i thmu yong ka synjuk toh wow yada ya ki riti dustur tynre iwa da klam da u Erwin K Syiem Sutnga wa u Raphael Warjri wei hadien ini da chimbynta leh da kiwi ki waheh na ka thaaiñ heiwa da kdaw ya kiwa boon i eh i khoo wa tyngkhooh ha ka imlang sahlang kiwa da ktah chiboon khamtam yei chah khynreh ka riti dustur tynre ha ki bru wa chim kabu yow myntoi samen lyngba ka khayi pateiñ wa kiwi kiwi de i myntoi wa yoh ki tre chnong ka jylla.
Kani ka synjuk toh kawa da seiñ ha u snem 2019 heipor wa dang man CEM u H.S. Shylla ha ka Khasi Hills Autonomous District Council yow man kam kawa da pynkupbor da ka aiñ wow yada ya ka jaitbru. Neibhah katni da em boon ki aiñ wa da chna da ka KHADC wa JHADC kiwa da sahkut khlem da yoh mynjur na u Lat ka jylla yow man noh ki kam ki aiñ wa pura.
Ha kani ka yalang ki waheh na Jaiñtia Hills da rai ki leh wow thoh cha ka Jaintia Hills Autonomous District Council neibynta wow booddien yow pynman aiñ smat ya kiwa dang sah.
Ha Ri-loom Jaiñtia da rai wow e pyrtuid ya kani ka chnat ka Synjuk Ki Rangbah Kur Ka Bri U Hynñiewtrep kam ka Dorbar Ki Waheh Kur Ri Jaiñtia wei kiwa kitkaam man ki kamni:
U Khroo Lamsalanki Pariat kam u President
U Pyrkhat Shylla wa u D. Donstan Khonglah kam ki Vice President
U Hamjhan Dkhar kam u General Secretary
U Gremalin H Bareh kam u Assistant Secretary
U Abutt Nelson Muksor kam u Treasurer
U Standbyme Sari kam u Media Secretary
Da pyntip leh wa ki waheh kur wa em ha Ri-Bhoi ha kani ka 11 tarik daw yachem ki wa ka Central Executive Committee ka synjuk ha Shillong.
Ha ka 27 tarik won daw pynman ya ka Dorbar Pyllun neibynta wow pynskem ya kiwa kitkaam ka Jaintia Hills.
Discussion about this post