Chah panang slipar ka kari u Modi ha Varanasi

Related posts

Da duna i thang ya ki khloo ki kjam ha East wa West Jaiñtia Hills

October 17, 2026

Maham u SP wow dai lilam ya ki kari wa ieh ha Police Station

October 17, 2026

ADVERTISEMENT

Katkam iwi i Video wa da poor ha ki Social Media, da yoo lakam wa chah panang slipar ka kari wa chong u montri wa khlieh ka ri, u Narendra Modi wei kani ki slipar da haap ko ha ka Bonnet ka kari wa chong u heipor wa lai u ha Varanasi ynnin ka sngi. 

Ini i Video wa da poor bha i ynne heiwa da yoo ya uwi u pulit wa sonteri ya u Modi wa jied u ya kani ka slipar na ka kari wei da suba wa da panang ya ka da ki bru nakhap paidbah.

Uni u pulit sonteri da chim wei da panang u ya ka slipar charood katwa ka kari lait bait ko khlem sangeh.

Ha i Video da sñiaw ya uwa riñ wa ong u kopsar da em wa panang slipar ka ka kari.

U Modi da lai u cha Varanasi hadien wa jop u na kani ka Constituency ha kani ka MP Election heiwa ki heh pulit da pynche ki wa ymtoh ka slipar tangwa ka Mobile Phone wei ymtoh wa em wa panang chynnam.