Chah kem soo ngut deilang wa ar ngut ki kynthai wa khayi drugs ha ki pulit ka East Jaiñtia

Ki pulit ka East Jaiñtia Hills ynne hadien wa da pyntip cha ki wa daw em ar ngut ki chynrang wa kawi ka kynthai kiwa daw wan da kawi ka kari ki bru samen na liang Silchar kiwa daw kit lang ya ki mar wa pyrchah aiñ.

Neiliang ki pulit da pynsangeh kari ki ha Umtyra hei yahkhmat u Bidhan Bhattacharjee MPS, DySP Crime Khliehriat deiwa emlang ki pulit ka ANTF wei da pynsangeh ki ya kawi ka kari Hyundai Venue kawa em Number AS-01EJ-8977, wei hawa kynreh ya kani ka kari deiwa emlang kiwa sakhi, da chem ya 15 tylli ki khieh sabon wa em i lakhit wa rap stem i rong.

Hadien wa pyndep yei Test da pyntikna wa ini toh i Heroin wei iwa khia 164.99 gms.

Hawa takit ki pulit, kini ki le ngut da phla ki wa i kaam ki toh wow lai e yeini i drugs cha kawi ka bru wa tip kam ka Maya Gwala heiwa ki pulit da yoh ki wow kem ka na Khliehriat.

Related posts

Yoh kem ki pulit ya uwa lai maham bru da kawi ka Pistol

November 21, 2024

Chah kem uwa thang pynmynsoo ya ka kurim ha West Jaiñtia Hills

November 19, 2024

Ya kini da chah pynngat ha ki kyndon ka aiñ da ki pulit ka Khliehriat PS wei ka takit dang lai ko chakhmat.

Kini kiwa chah kem man ki kamni:

U Sahin Hussain Laskar uwa na Nagdirgram Cachar, Assam.

U Rofiqul Alom Laskar uwa na Harsinghpur Nagdirgram, Cachar, Assam.

Ka Mamta Sinha kawa na Simgiri, Chibitabicha Cachar, Assam.

Ka Maya Gwala kawa na Pynthorbah Shillong.