Daw pynyieñ kyrtong ka BJP ha ka Election chiteiñ samoi ka Gambegre

Ka BJP da rai ko wow pynyieñ kyrtong ha kani ka Election chiteiñ samoi na Gambegre Constituency kawa da man thylli hadien wa ieh noh u Saleng A Sangma deiwa jop u ya ka Election MP.

U MLA ka BJP, u AL Hek da pyntikna u yeini deiwa ong wa dadep u yaklam wa ki heh ka Party ha Meghalaya heiwa ki leh da pynsñiaw ki yei angnood wow pynyieñ kyrtong.

Da khana u leh wa em boon kiwa paan Ticket wei hawa kylli lada na kini toh u MDC ka Tura, u Bernard Marak, da jubab u deiwa ong u wa daw chong hei rai ka Party.

Da ong u leh wa ym yoo dur u wa ka Congress daw khlan ko ha Garo Hills neibhah ka Election MLA phær ko na ka Election MDC.

Related posts

Yoo chyrkhei ki tiar yasiat wa yoh kem na ki 17 ngut kiwa pynleh kam ki dkhot ki seiñ kieñ suloi ha Manipur

October 25, 2026

Mar ya sdang ya ka Jaintia Artist Association yoh yarap Rs.10 lak na ka sorkar

October 25, 2026

Kamtæ da ong u wa ka BJP toh ka National Party kawa yakhun MP wa MLA wei u yaleh ko leh ya ka MDC Election.

Da pynche u leh wym em iyi iyi wa mih pyrchah ya u President ka Party hapoh ka jylla, u Rikman G Momin wei ym em hi leh yoh kawon kawon ka chithi wa thoh pyrchah ya oo.