Sñiawngooh ka Ladthadlaboh Pyllun wa da em ki ha kawi don ka Constituency

Kiwa yahkhmat ka Ladthadlaboh Pyllun, Jowai wa kynthup ya ka Ladthadlaboh, Caroline, Mookyrdup, Tyndo Wapung, Salaroh, Lumpariat wa ka Mooralong ynne ka sngi da pynsñiaw ki yei sñiawngooh i sñiawkmen hadien wa ka yung dorbar chna aiñ ka JHADC ynnin ka sngi da mynjur ko ya ka Bill “The Jaiñtia Hills Autonomous District (Constitution of District Council) (Amendment) Bill, 2024″ kawa man kam chibynta i pynkylla Constituency kamjooh i pynkyrriah ya ki chnong ki thaw heiwa ya ki chnong wa haap hapoh ka Ladthadlaboh Pyllun da ye u pynlang u wanrah khroi chirup ha kawi don ka Constituency kamwa thrang angnood ki.

Neiliang u waheh chnong ka Ladthadlaboh, u Aiban Shullai hawa klam cha kiwa thoh khubor ong u ini wadep haka Draft wa pynkhreh ka Delimitation Committee, ki chnong wa haap ha ka Ladthadlaboh Pyllun da phiah haki le soo Constituency, kamtæ dei ya krehlang yatylli kini ki chnong wow wan ha ka jooh ka lama yong ka Ladthadlaboh Pyllun, da yieñ pyrchah wot ha ka Public Hearing namo i pynsñiaw paidbah wa pynman daka Delimitation Committee ha ka 9 tarik u bnai wadep ha District Library Auditorium, Jowai, kamtæ da man i kaam iwa jop.

Da ong u leh wa najrong wa yieñ ryntih ki u pyrchah da e haroh ki deilang dei thoh.

Kamtæ da e khublei ki ya ka Delimitation Committee kamjooh ya u CEM ka JHADC wa ki EM wa mankaam iwa thrang wa kwah ki.

Related posts

Hadooh 2 snem u kset ya kiwa pynemkaam da ki khynnah wow kreh

November 24, 2024

Deiwa chrai ya ka kurim noh chynnam uwa yah ya ka kari chapoh lyngkha

November 24, 2024

Heiwa yooluti ki leh wa ini i ye u pynlang chirup daw man ki chnong wa ye chooh chooh u lai chakhmat ha kiwon kiwon ki kaam neibynta wow biang ki paidbah ka Ladthadlaboh Pyllun waroh kawi.

Hawa kylli won heiyatoh wa ka Dongmisngi kawa yabi lang wa ka Ladthadlaboh tangwa ka won da haap ko cha Jowai South, u waheh chnong ka Ladthadlaboh da ong u wa hachwa wow lai ki chakhmat da yachem lang ki para waheh chnong kiwa haap hapoh ka Ladthadlaboh Pyllun wei da chim ki leh ka rai katkam wa kwah lang u paidbah wa boon.

Ya ka Dongmisngi leh da khutlang hi ki ya kiwa yahkhmat yong ka, tangwa ki won ong ki wa sñiaw biang hi ki wow lai jar jiar, wei neiliang ki waheh leh pyntip ki wot u paidbah yong ki leh ngait hi ki wow em jar jiar.