Ki khubor wa da mih hapoh ka ri, da ong ki wa kani ka sorkar wa katni wa yahkhmat da ka BJP daw pynkrehkaam ko ya ka One Country One Election iwa mut wow pynman Election heijooh i por ha waroh kawi ka ri.
Ka sorkar pyrdi ini wa dep da pdiang ko ya ka Report ka Committee wa khlieh da u President warim ka ri, u Ramnath Kovind heiwa da ong ki wa ye u sdang da ka Election MLA wa MP wow pynman heijooh i por katwa kiwi ki Election won u pynbood ki hadien.
Yeini daw emkaam leh wow mynjur da ka Law Commission kawa da yooluti daw leh ko yeini wei da antaad u sdang wow pynman Election heijooh i por nadooh u snem 2029.
U Modi hawa klam u ha ka lehkmen ka sngi laitlooid ka ri ha uni u snem da ong u wa ka One Nation One Election toh ka kular ka BJP.
Iwa eh wow leh yeini toh kammon wow pynkut ya ki samoi ki MLA wa MP ki wym pu em kut por yow pynman ya ka Election heijooh i por.
Sa iwi won leh daw hap wow thied chooh chooh ki kor EVM wei da antaad wa ini daw poi da ki hajar klur i lut.
Discussion about this post