Ki seiñbhalang waphær waphær ryngkat ki bor pynlai District ka Ri-Bhoi, ynne ka sngi da hiar ki cha ka Umroi Airport yow khanglaad ya u Jagadguru Shankaracharya wa ki bru u wow wan pynman ya ka Gau Dhwaj Sthapna Bharat Yatra hapoh ka jylla.
Tangwa hadien wa yang da kiwa boon kynta, ki bru uni uwa yalap yada masi ym em poi ki ha Airport ha Umroi, hanla katkam ka khubor wa da yoh lum tikna, u Jagadguru da em u nadooh i por step ha Guwahati Airport yow wan cha Shillong.
Neiliang u SP ka Ri-Bhoi, u Jagpal Singh Dhanoa da ong u wa ki bor District wa ki pulit daw pteiñ ki wow yang ha katai ka thaw hiar lieñsuiñ yow khanglaad ya u Jagadguru wow mih cha lait yong ka Airport lada wan u, wei heijooh i por wow kær ya katai ka thaw wow yada nei chah ktah i suk i saaiñ.
Katkam wa khana u SP, utai uwa yahkhmat kiwa yada masi da thmu u wow wan bait na Agartala cha Umroi, tangwa da lai noh u cha Guwahati Airport, wei da pynrap u wa ki pulit ym pu ye ki wow pyntikna wa ye u wow wan da ka kari lyngba u NH-6 wei lada wan na u sarok rap eh wow chem oo.
Hanla ki bru u Jagadguru ym em poi ki hadooh i por chiteiñ sngi kamwa da booh, ki seiñbhalang da wan yang ki nadooh i step yow pyrchah wei khang luti ya uwa yahkhmat ka Gau Dhwaj Yatra, wei da yang bait ki trait yow pynthikna wym toh u yoh u wow hiar ha kani ka Airport.
Discussion about this post