Ah ka Adani Power chiteiñ i pynpoi bordiñ cha ka Bangladesh

Ka Adani Power Jharkhand Limited (APJL), ka chnat ka Adani Power, da ah ko mar chiteiñ ka bordiñ cha ka Bangladesh neidaw wym pu su ya ka bai bordiñ kawa USD 846 Million.

Katkam ka khubor na ka Power Grid Bangladesh PLC da ong wa ka Adani Power da ah ko mar chiteiñ i bordiñ nadooh i miet ka 31 tarik iwa da wanrah yei duna wa 1,600 Megawatts (MW) chi miet wei ka karkhana wa pynkrehkaam 1,496 MW da hiar ko cha ka 700 MW kawi ka Unit.

Chwa ini ka Adani Power da thoh ko cha ka Bangladesh Power Development Board (PDB) wow su pyndep ya ka bai bordiñ chwa ka 30 tarik u Naichiphaw.

Ha kani ka chithi wa da phah ha ka 27 tarik da maham leh wa lada ym su daw ah ya ka bordiñ ha i miet ka 31 tarik katkam ki kyndon ka Power Purchase Agreement (PPA).

Related posts

Rai Ka Dorbar Ki Waheh Kur Ri Jaiñtia wow dawa na ka JHADC wow pynsmat noh yei tipmit ya ki kur katkam ka aiñ

November 2, 2024

Phah hajir ka India ya u heh ka Canada ha Delhi

November 2, 2024

Ki heh ka PDB da ong ki wa da su ya ka bai bordiñ wa sah nadooh u Naiynñiaw, tangwa ka Adani da pynku ko ya ka bai bordiñ cha USD 22 Million chi tayaaw katwa ka PDB jooh su ko nachwa du USD 18 Million.

Neiliang u Gautam Adani, u Chairman ka Adani Group, da thoh u leh ya ka chithi cha ka sorkar wa chipor ka Bangladesh wa yahkhmat da u Professor Muhammad Yunus heiyatoh wa ini.