Lai ujor ka HITO Lakaseiñ ha ka MeECL yei wym chimkhia u pait ya ki chrot bordiñ

Ha ka 5 tarik uni u bnai, ka HITO Lakaseiñ Unit da li booh ko dei thoh cha ka yung krehkaam ka MeECL Moowakhu, East Jaiñtia Hills deiwa ong wa tlot wei kheiñstiñ ka yung krehkaam u pynbiang ya ki chrot bordiñ, u kær ya ki Transformer wei wow pynbiang bordiñ cha waroh ki chnong wa haap hapoh ka Elaka Bri Sumer nadooh ka Lakasein, Mooriap, Umkyrpong, Kseh, Pala, Mooknor, Khahnar, Larket, Samasi, Shyrwang, Mynthning, Mynthlu, Kremmyrsiang ter ter.

Ha kani ka sngi ka seiñ da yoh ko wow yachem wa u S.K. Iakai, In-charge ka MeECL Khliehriat Sub-Division wei da kular u wow chimkhia yeini.

Neiliang u General Secretary ka HITO East Jaiñtia Hills, u Burom Dkhar da khana u wa da yoh ujor ki na kiwa chong chnong kani ka Elaka wa kam ka chnat sorkar wa pait yeini emkaam u pynbiang ki neibhah boon ki chrot bordiñ toh kiwa da tlot nei chah baam hei sarang wei ki Transformer leh toh kiwa da chah tymmoh hei khloo kiwa khlem da kær bha ya ki.

Da ong u leh ya ka bai bordiñ da chim ki thij thij dei wym jooh pynduna ya ki paidbah wot chi tangka leh, kamtæ toh u pynbiang ki katkam i emkaam ki paidbah.

Related posts

U bru wa khyndang Skirt ya ka khynnah skur ymtoh uwa na Umsohsun

May 25, 2025

Pynlait ka Coast Guard wa Navy ya 24 ngut na ka jhaad wa ngam hajan Kerala

May 25, 2025

U President ka HITO Lakaseiñ, u Deibor Pakem da ong u wa toh u pynpoi bordiñ man-u-bnai khnang yow suk ki paidbah u su.

Hajrong ini waroh da ong u wa emkaam u pynsmat u pynbiang pyntoh yei dawa chwa u jia iwon iwon iwa yoo ­chyrkhei.