U Amit Kataria da mih khubor biang u heiwa da man u kam u sahep Indian Administrative Service (IAS) wa mahajon tam ha India deiwa chongdor u Rs. 8.90 klur.
U Kataria da man sahep IAS u ha u 2004 na ka Chhattisgarh Cadre wei da wan biang u cha ka jylla hadien 7 snem i kreh hapoh ka sorkar pyrdi.
I tre u toh na Delhi NCR wei da yoh u ya ka 18th All India Rank ha ka Exam UPSC ha u 2003.
Da man u kam u Joint Secretary ka Department of Rural Development wei chwa ini da jooh man u kam u sahep ha Chhattisgarh wei kam u Collector ha ki kattu katni ki District.
U Amit Kataria toh uwa pyndep puræ na Indian Institute of Technology (IIT) wei da pyndep skur u na Delhi Public School – RK Puram.
Ka poisa u Kataria boon ko ymtoh na ka tulop u tangwa ka yung wa wan u kawa boon ki thaw wa ki yung ha Delhi NCR heiwa mih poisa da ki klur na kini.
U Kataria da man sahep u wow chakri ya ka ri wei ka tulop u man ko Rs. 1 lak heipor wa sdang kreh u tangwa hawa sdang nyngkong u, ya ka tulop wa nyngkong da chim u du chi tangka donhi.
Da mih khubor u ha u 2015 heipor wa man u kam u District Collector ha Bastar, Kataria neidaw wym em riam u dei miat wei deiñ Sunglasses u heipor wa yachem u wa u Prime Minister Modi hadooh wa phah Notice ka sorkar Chhattisgarh cha oo.
Ka kurim u Kataria toh kawa man kam ka Commercial Pilot wei deilang da booh dur ki ha ki rynsan Social Media ya ki thaw lai ke ki.
Discussion about this post