Ka Central Recruitment Board ka Meghalaya Police da pyntip ko cha kitu kiwa yalehkreh pulit wa ka Admit Card ki neibynta ka Physical Efficiency Test (PET) ha ki soo tylli ki Center- 1st MLP Bn., Mawiong, Shillong; 2nd MLP Bn., Goeragre, Tura; 4th MLP Bn., Sohpian, Nongstoin wa 5th MLP Bn., Samanda, Williamnagar da ye wow Download ki nadooh ka 16-12-24.
Kitu kiwa daw lai yaleh ya ka PET ha kini ki 4 tylli ki Centre wa da kdaw haneiñ toh u Download ki ya ki Admit Card deiwa lai ha ka Meghalaya Police website – www.megpolice.gov.in.
Kitu kiwa kwah wow jied da kawi won ka tarik wow yaleh ya ka PET, ye ki wow lai e ya ka Application cha u Member Secretary, Central Recruitment Board, Meghalaya Police ha yung krehkaam ka Central Recruitment Board, Mawroh, Shillong næ deiwa phah email ha [email protected] deiwa pyndait lang wa ki kot ki sla wa emkaam.
Kitu kiwa kwah wow pynkylla ya ka tarik yaleh PET u chah wow leh ki yeini chisien donhi deiwa e ya ki daw wa biang.
Ka tarik wa khaddooh wow pdiang ya kini ki Application yow pynkylla tarik ya ka Physical Efficiency Test (PET) toh hadooh ka 02-01-25 wei ym pdiang de hadien kani ka tarik.
Da pyntip leh cha kitu kiwa yaleh kreh wow pait ki dei langær ya ka Meghalaya Police Website yow tip ya iwon iwon i pynbna wa thymme wei lada emkaam wow yoh yei pynche, ye wow lai cha ka Central Recruitment Board ha Mawroh, Shillong wei ye leh wow Phone ha u Helpline Number-6033164273 ha ki sngi wa ki kynta wa man kreh.
Discussion about this post