Kyrchaan ki 4 waheh chnong ya u Met Shylla

Kam chibynta i sdang u Met Shylla u lai luti heiyatoh wa kani ka Election MDC naka 21-Tuber Wapung Shnong Constituency naka Party NPP, da yoh u yoo wa da lai yarap u ya ki khonswet kiwa em ha Tuber Kmaishnong, wei katkam wa da yoh u yoo ha kiwa boon ki yalang paidbah da em boon kiwa wan e kyrchaan ya oo nadooh ki bru samen hadooh kiwa kitkaam chnong wa kiwa kitkaam ki seiñ waphær waphær kiwa da ya ksohktilang u kyrchaan ya oo ha kani ka kynti.

U Lar Bang kam u waheh chnong ka Tuber Shohshrieh wa u Secretary chnong, u Yohimi Shylla deilang ki dkhot ka chnong da ya krehlang ki ha kani ka kynti lait noh ki kattu katni donhi kiwa dang chong pyrkhat katkam wa man katæ.

U waheh chnong ka Tuber Kmaishnong, u Micky Lyngdoh deilang wa u Secretary chnong, u Telme True Phawa, u Assistant waheh chnong, u Ksohlang Phawa, uwa e buit ka chnong u Wanthmu Phawa, u Assistant Secretary chnong wa kiwa kitkaam ki chnat seiñ waphær waphær kiwa em haka chnong Tuber Kmaishnong da ya krehlang ki u kyrchaan ya u Met Shylla.

U waheh chnong ka chnong Mutong, u Marchi Dkhar deilang wa ki kattu katni kiwa kitkaam chnong  leh da ya krehlang ki u kyrchaan ya u Met Shylla.

U Secretary chnong yong ka chnong Mukhaialong, u Tylli Sana deilang wa uwa kitkaam ka Seiñraij chnong, u Nio Phawa wa kiwa kitkaam ka chnat waphær waphær da ya ksohktilang ki u kyrchaan ya u Met Shylla ha kani ka kynti.

Related posts

Yoh ka Khliehriat ya ka thaw yalehke Squash | Daw pynman leh ya ka East Jaiñtia Hills Games

November 27, 2025

Daw khang ya u sarok wa lai na Sanmer cha Air Force Station Gate, Shillong Peak

November 27, 2025

U waheh chnong ka chnong Lymshyrmit, u Kiyoo Dkhar deilang wa kattu katni kiwa kitkaam ka chnong da ya krehlang ki wa u Met Shylla hei lailuti kawa dang chitayaaw donhi wei dang em leh chiboon kiwa dang psiah chooh chooh lyngba u waheh chnong wa ki dkhot chnong.

Neiliang yong u Met Shylla da booh u i kyrpaad wa khian tam hakhmat ka burom kawa sbun tam yong ki paidbah kiwa em hapoh ka 21-Tuber Wapung Shnong Constituency wat lada wym ye de u psiah kut ki thlu yung thlu sem ka yong phi leh lyngba kani ka wyrta kyrpaad khian u phi wow sñiawbha phi u yakrehlang wa oo khnang yoh u poi u cha ka thong yow ye u yarap ya phi katkam wa chah i buit i bor yong oo neibynta i kaam jaam i yong phi.

Ka khubor na u Convener yong u Met Shylla, u W. Phawa.