Ynne ka sngi ka Synjuk Ki Dorbar Chnong Shangpung chirup waka Laskeiñ C&RD Block da pynman ki ya ka lehkmen Republic Day wa 76 ha Madan Hula, Shangpung Moosyiem heiwa ka MLA ka Sutnga Saipung, ka Santa Mary Shylla da man ko kam ka kongsan.
Ha kani ka sngi da emlang u BDO ka Laskeiñ C&RD Block, u Dr. FR Shadap, u DSP ka West Jaiñtia Hills u AJ Marak, u President ka Synjuk, u N Papang, u Secretary, u RH Wann wa kiwi.
Ha ka lehkmen, ka Santa Mary Shylla da pynhær ko ya ka lama le rong ka ri, wei da pynman ya ka March Pass na ki pulit wa ki khynnah skur na Shangpung.
Hawa e i klam ka Santa Mary Shylla da ong ko wa ka sorkar da yaleh ko wow pynkylla ya ka jylla heiwa da booh thong wow pynman ya ka jylla wa em i yoh i kot wa $10 Billion.
Da khana ko leh ya ki kaam wa da sdang kreh kamjooh kiwa da pyndep ka sorkar ha kylleiñ ka jylla nadooh ki sarok kam ka Pasyih-Garampani, ka Iawmusiang, ki Scheme um hapoh ka JJM, ki yung neibynta kiwa dooh wa duk wa kiwi.
Chooh chooh da ong ko wa i saam bordiñ da miat bha i heiwa ka MeECL da ye ko u sangeh ya ki pyndooh bordiñ namo ka Load Shedding ha u 2024 neiwa pynjanai ko yei krehkaam yong ka wei ha uni u snem leh daw pyrchang wow leh kamjooh.
Ha ka March Past, yei naam wa le da yoh ka Lummuroo Secondary School, wa ar ka Seiñraij UP School Khliehrangnah katwa yei naam nyngkong da yoh ka Dollini Shullet Memorial School.
Da pynphooh ya kani ka lehkmen da i Chaad Pastieh na ka Seiñ Khynroo Khyllood Shangpung Pohchnong.
Discussion about this post