Ynne ka sngi u MLA ka Jowai, u Wailadmiki Shylla da lai booddien u ha u SP ka West Jaiñtia Hills, u C. Syrti kamjooh kiwi ki sahep pulit heiyatoh wa i ku ki kaam chah tooh ki thuk-thuk na Jowai.
Ha ini i yachem, u Wailadmiki da yaklam u leh wa ki pulit heiyatoh wa kiwi ki kaam wa yatoh wa ka West Jaiñtia Hill heiwa da klam kyrpang leh chaphang i drugs.
U Wailadmiki da ong u wa katkam wa man hi ha West Jaiñtia Hills ym em u poi i drugs dei boon wei ha ka chi snem leh duna bha i yoh kem drugs wei neiliang ki pulit da leh ki yeiwa emkaam deiwa phah leh ya kiwa pynemkaam drugs wow lai cha ki thaw sumaar wei da e kti leh cha ki yung ki sem.
Da ong u leh wa ki pulit da man ki kiwa da pynkhreh wow yakhun pyrchah yei drugs.
Chooh chooh da yaklam leh ya kiwi ki mat, heiwa u Wailadmiki da kyrpaad u ya ki tre yung katwa joh i bor yong ki wow booh ya ki CCTV ha ki yung ki sem kamjooh ha ki dukan dukdoh ha kylleiñ ka Jowai khnang wow wanrah yei chngaaiñ wei wow yarap ya ki pulit manda emkaam ki.
Discussion about this post