Phah ka HC ya u bru ko yow lai pait lada pynchna ya u sarok NH-6 kamwa da kam ka NHAI

Ka High Court ka Meghalaya ha ka 5 tarik uni u bnai da chong bichaar biang ko ya ka mukotduma PIL wa da yaleh da u (L) Kynjaimon Amse pyrchah ya ka NHAI heiyatoh wa u sarok NH-6 deiwa em u Chief Justice, u I.P. Mukerji wa u Justice W. Diengdoh wow ap u sñiaw.

Neiliang u muktiar ka NHAI da ong u wa da bood ya ka hukum wa da pynmih ka yung bichaar ha ka 11-12-24 neibynta i 5 km u sarok wa da sih bha wei waroh da em 45 km u sarok wa hap wow pynchna deiwa miat bha.

Da khana u leh wa i kreh dang lai i chakhmat wei daw pyndep ki heipor wa biang.

Related posts

Kynthiar ka khynnah skur wa dang 9 snem na ka mala wa soo ka sur hadooh wa yap | Chah pynbaad ka skur wa murieh ki yei sabut

November 2, 2025

Kynmoo tympang ka Balang Catholic Jowai yei mynsien kiwa da khlaad kam chibynta ka All Souls’ Day

November 2, 2025

Ka High Court da ong ko wa lada i kreh man i kamwa da pyntip u muktiar, waroh u 102.225 km toh u ma u uwa miat bha uwa lait na iwon iwon i thut iwa daw pynmyntoi bha ya ki paidbah.

Kamtæ yow pyntikna yeini, da phah ya u Amicus Curiae wa da thung da ka yung bichaar wow lai pait u yeini waroh wei wow phah ya ka Report ha ka 21 tarik uni u bnai.