Sñiawngooh kiwa kreh ka JHADC ya ka sorkar jylla yei pynlait poisa wei da yoh smat ya ka tulop

Kiwa kreh ka Jaiñtia Hills Autonomous District Council (JHADC) hapoh ka lama yong ka Jaiñtia Hills Autonomous District Council Staff Association, da e khublei kyrpang ko ya ka sorkar jylla wa yahkhmat da u Conrad K. Sangma kam u Montri Rangbah ka jylla hajrong i pynlait u ya ka poisa wa Rs. 40 klur tyngka cha ka JHADC haka 21-01-25.

Haka khubor wa da phah da u President wa Secretary ka JHADC Staff Association, ong ki wa dap ki dei sñiawngooh wa khroo hajrong i yoh ya kani ka poisa wa Rs. 40 klur heiwa ka Council da ye ko u su ya ka tulop yong kiwa kreh hadooh u bnai August 2024 wei ya kani ka poisa da yoh lut kiwa kreh du hadien kamwa 3-4 sngi na ka sngi wa pynbna u Montri Ryngbah hapoh yung krehkaam u CEM ka JHADC.

Da pynche haroh ki wa ka poisa wa da yoh waroh hapoh u bnai January 2025 toh Rs. 57.84 klur wa kynthup Rs. 40 klur wa da pynlait da u Montri Rangbah neitæ ka Rs. 8.33 klur wa Rs. 9.51 klur kawa man ka Royalties. Deiwa yoh ya kani ka Rs. 57.84 klur, ka Council da yoh ko u su tulop yong kiwa kreh hadooh u bnai August 2024.

Chooh chooh kiwa kreh ka JHADC da pynsñiaw ki leh i e khublei ya u Symbood Montri Rangbah ka jylla, u Sniawbhalang Dhar, ya u MLA ka Jowai, u Wailadmiki Shylla khamtam ya ka Executive Committee yong ka JHADC hapoh i yahkhmat u Thombor Shiwat kiwa da yakrehlang chirup chirup wa kiwa kreh ka Council neibynta u ya kit ya bah lang yei eh i khoo ka Council.

Related posts

Phah liwan ka Assam ya uwa na Canada uwa chah pynbaad pynkylla Christan ya ki bru

February 8, 2025

Thung u Pope Francis ya u Rev. Bernard Laloo kam u Auxiliary Bishop ka Shillong Archdiocese

February 8, 2025

Heijooh i por kyrpaad ki leh ya ka sorkar wa neini chakhmat u pynlait biangpor ko ya ka poisa, khnang wa  kiwa kreh (Staff) u lait ki nei sakma kamwa da jia haki snem wa da lai.