Ka MPSS Security Agency ha ka 19 tarik uni u bnai da pynman ko ya ka yalang wa chongkhia chongkun yow pynkup burom ya ka 4th Batch kiwa da pyndep ya ka e sikai yow man kam ki Security Guard ha ka thaw wa em ha Thadmuthlong C Phramer, WJH heiwa ka e sikai toh kawa 45 sngi deiwa wan 12 ngut ki kynthai wa 8 ngut ki chynrang kiwa na Khasi wa Jaiñtia Hills wa kiwa em ha kylleiñ ka Meghalaya.
Ya kani ka yalang wa tip leh kam ka Passing Out Parade da pynlai da u Sambor Suting uwa man kam u Office Assistant deiwa emlang u Tbn MB Suchiang na ka Balang Mihmyntdu uwa da e yei yasyllok na ka ktien u Blai ryngkat i duwai.
Ya kini ki khon khynroo khyllood da pynbaam smai da u P. Muksor uwa man leh kam u Managing Director ka MPSS deiwa sakhilang ki bei ki pa ki khynnah wei da saam leh ya ki Certificate wa ki khusnaam cha kiwa lehbha da u D.H. Pde (Retired DSP) uwa man leh kam u Waheh Chnong ka Chilliangraij, Jowai kam u kongsan uwa dadep wan wow sakhi leh yei pyndep ya ka Training, heiwa da e u leh yei yaroh ya kani ka thaw e sikai wa da tipmit da ka sorkar Meghalaya lyngba ka Home Police Department, heiwa da ong u wa ki pulit da leh Training ki 11 bnai katwa ki Security Guard won 45 sngi.
Kamtæ da kyrpaad u leh ya ka sorkar Meghalaya wow e ko yei kyrchaan wei yarap ya kani ka Training Centre yow nang ku ko chaphrang khamtam ha kini ki sngi wa duna khih duna khan ki khon ki raiot wa em hapoh ka jylla Meghalaya waroh kawi.
Da pynkut ya kani ka yalang da ki yaleh Drill, i rwai, i pynwyrngia wa kiwi kiwi de.
Puræ leh: Khut ka MPSS ya kiwa kwah chah sikai yow man kam ki Security Guard
Discussion about this post