Kyntu ka Jaintia Tribal Traders’ Association wym toh u su ya ka bai Permit wa thymme ka JHADC

Ka Jaintia Tribal Traders’ Association (JTTA) kawa man ka seiñ kiwa khayi nong kawa em hapoh Jaiñtia Hills, da kyrpaad ko ya kiwa em Permit ha Iawmusiang wa Iawthymme na ka JHADC wow sangeh chwa phi u li su ya ka bai Permit yong phi kawa da ku ar chah neiwa jooh su.

Ka JTTA da ong ko wa kani ka bai Permit da ku na Rs. 750 cha ka Rs. 1300 chi snem.

Chooh chooh ka JTTA da pyntip ko wa kani ka kaam wa kattæ dang em ko hapyrdi i yaklam wa ka Council, wei dang yang chwa yei jubab na ka Council.

Ka Association da phah chithi ko cha ka Council hachwa ka Election MDC, wei hadien wa lai yachem ka seiñ wa u Officer In-charge, da yoh ka jubab wa daw phah yeini cha ka EC wa thymme.

Related posts

Ym bien ka High Court ka Bangladesh u e jamin ya u Hindu

May 10, 2026

Pynkup burom ka NPP Women’s Front WJH ya 111 ngut ki manbei wa e chakri ha ka imlang sahlang

May 10, 2026

Kamtæ ka JTTA da kyntu ko wow man kiwa yaichah hadooh wa yoh jubab na ka JHADC.

I pyntip na u Iatha Najiar, President Jaintia Tribal Traders Association.