Saam u CEM ka KHADC ya ki chnat wow pait ki EM, ksoh u kiwa boon cha oo

U Chief Executive Member (CEM) wa thymme ka Khasi Hills Autonomous District Council (KHADC), u Shemborlang Rynjah, ynne da pynbna u ya ki Portfolio namo ki chnat wow pait ki Executive Member (EM) ka Executive Committee (EC) wa yahkhmat da ka Voice of the People Party (VPP).

U CEM da ksoh u ha oo ya kiwa boon ki chnat kam ka General Administration Department (GAD), Posting & Transfer, Establishment, Appointment, Market, Elaka & Forest wa kiwi de.

Ki Portfolio wa da e cha ki 7 ngut ki EM toh deiwa mynjur da u Lat ka Meghalaya.

U MDC ka Mawthadraishan, u Powell Sohkhlet daw pait u ya ka IT wa Land & Development, u MDC ka Nongthymmai, u Winston Tony Lyngdoh daw pait u ya ka Labour, Trade, Enforcement wa Revenue.

Ka MDC ka Laitumkhrah-Malki, ka Deiti Majaw daw pait ko ya ka Law & Legal Matters, Marriage & Divorce wa ka Town Committee, katwa ka MDC ka Mylliem, ka Aibandaplin L Nonglait daw pait ko ya ka Health & Sanitation wa Education.

Related posts

Ym bien ka High Court ka Bangladesh u e jamin ya u Hindu

May 10, 2026

Pynkup burom ka NPP Women’s Front WJH ya 111 ngut ki manbei wa e chakri ha ka imlang sahlang

May 10, 2026

U MDC ka Mawkyrwat, u Pynkhraw Kharjahrin da e cha oo da ka Council Building, Council Assets wa ka Building Byelaws.

Katwa u MDC ka Umroi, u Isnei Hinge daw pait u ya ka Water Resources wa Fisheries wei u MDC ka Mawkynrew, u Seiborlang Warbah da e cha oo da ka chnat Finance.