Ki thaw wow pynman ya ka Mock Exercise ha East Jaiñtia Hills

Ka District Disaster Management Authority (DDMA), East Jaiñtia Hills District daw ya ksohkti ko deilang wa ka Meghalaya ha ka ‘State Level Mock Exercise on Earthquake Scenario’ wa daw pynman da ka Meghalaya State Disaster Management Authority (MSDMA), Shillong deiwa ya krehlang wa ka National Disaster Management Authority (NDMA), New Delhi ha ka 20 tarik uni u bnai kawa daw sdang nadooh 9:30 i step.

I thong knai ka Mock Exercise toh yow pynbha pynmiat yei ya krehlang da waroh nadooh ki chnat sorkar, ki pulit, ka Fire & Emergency Services, kiwa pynlai chnong, ki thaw puræ, ki Volunteer wa kiwi de.

Ha East Jaiñtia Hills District, ki thaw wa da jied yow pynman ya kani ka Mock Exercise toh hapoh ka chnong Dkhiah West wa East, Dkhiah East Secondary School, Khliehriat Civil Hospital, ki yung krehkaam u BDO ka Wapung, Saipung wa Lumshnong Block, ha 1 India Family Mart, ha Dkhiah Service Station wa kiwi de.

Related posts

U pynman bait ka KSU-EJHDU ya ka yalang ha pchem u DC lada ym e bor u leh

August 8, 2026

Kyrchaan ka HSYF yei booh por ka KSU 15 sngi yow pyndam ya ka Public Hearing ka Shree Cement

August 8, 2026

I pyntip na u Deputy Commissioner & Chairman, District Disaster Management Authority (DDMA), East Jaiñtia Hills District, Khliehriat.