Ka Unlawful Activities Prevention Act (UAPA) Tribunal da booh ko ya ka 9 tarik u April yow chong u ap ya ka mukotduma wa da yaleh ka Hynniewtrep National Liberation Council (HNLC) pyrchah yei rai ka sorkar pyrdi wow pteiñ yei khang (Banned) ya ka seiñ sa 5 snem neidaw wa man ko pyrchah aiñ.
Neiliang u muktiar ka HNLC, u Fernando Shangpliang da pyntip u wa yei chong bichaar daw pynman ha Guwahati ha ka 9 tarik.
Da pyntip u wa ynne da wanrah u yei jubab lyngba ka Show Cause katkam ki kyndon tangwa ym em chah neibhah dadep booh ya ka 13-02-25 wow e yei jubab heiyatoh wa ini wei neiliang ka sorkar pyrdi kamjooh ka sorkar jylla da dep e ki yei jubab lyngba ki Affidavit. Tangwa neidaw wym pu yoh yei jubab na ka HNLC ym ye u lai chakhmat kamtæ da e por wow leh ki yeini.
Da pyntip u leh wa ha ka tayaaw wow wan neiliang ka sorkar pyrdi deilang ka sorkar jylla daw phah ki ya ki Affidavit yong ki kamjooh ki sabut deilang ki pyrtuid kiwa sakhi wei iyi wa da ong ki wei neiliang yong oo leh daw pait bniah u yeini waroh.
Da ong u leh wa daw kylli takit u ya kini ki bru wa man kam kiwa sakhi.
Kam wow pynkynmoo wa ya kani ka Tribunal da khlieh da u Justice Soumitra Saikia na ka Guwahati High Court wei ynne da pynman ka ha Shillong.
Discussion about this post