Hawa e NOC da em leh ka kyndon wow e kreh ki karkhana pynmih khyndaw-bilat ya ki tre chnong

Ynne ka sngi wa khaddooh yong ka Dorbar Mang Tangka ka JHADC, ka MDC ka Narpuh, ka Deivipaya Tongper da kylli ko wa lada ka Council ha ki snem wa dadep da phah ko ya ki karkhana pynmih khyndaw-bilat wa em ha Narpuh wow e kreh ya ki tre chnong na Ri-loom Jaiñtia.

Hawa jubab yeini, u CEM, u Thombor Shiwat da ong u wa da jooh phah ya ki karkhana wow e kreh ya ki tre chnong wa ki khynnahna Ri-loom Jaiñtia.

Ka Deivipaya da kylli ko ha iwon i rukom wa da phah, lada dei thoh namo dei klam ktien donhi, yeiwa u CEM da ong u wa da em ki kyndon hajrong itæ hawa e ya ki NOC cha ki karkhana.

Chooh chooh chooh da kylli ko lada ka Council u bahkhlieh ko khnang wow bood ki karkhana ya kini ki kyndon, yeiwa u Thombor da jubab u wa daw khut ya ki karkhana wow yaklam hajrong itæ.

Related posts

Ym chah ktah ka sorkar MDA neibhah ka NPP hi toh kawa boon paaid: Prestone

September 1, 2026

Kynjoh 14 snem ka NPP | Dang khlan kat dang lai luti: Prestone

September 1, 2026