Ka seiñ kiwa chet ja skur kawa tip kam ka Union of Cook cum Helpers PM POSHAN, Meghalaya hapoh i yahkhmat ka Gina Nengnong kam ka President da lai yachem ki ya u Swapnil Tembe, Secretary Education Department ka sorkar Meghalaya ha ka 4 tarik uni u bnai ha kamra krehkaam u ha Shillong heiyatoh wow lai kyrpaad ya u Prime Minister ka ri, u Narendra Modi wa u Dharmendra Pradhan, Montri wa pait ya ka chnat Education ka ri India yow pynku ya ka nong (Honorarium) wa da yoh ki kawa da sah da ki phaw snem kawa du ₹900 chi bnai kawa da su cha ki Cook cum Helpers khamtam ya kiwa em hapoh ka thaaiñ chaneiñ mishsngi ka ri.
Neiliang u Swapnil Tembe da pyntip u wa ka sorkar Meghalaya da booddien bha ko yeini ha waroh ki kyrdan ka sorkar India.
Neiliang ka seiñ kiwa chet ja da kyrmen ki wa hapoh uni u bnai deiwa kreh chitom u Montri Rangbah ka jylla, u Conrad K Sangma daw bien u Prime Minister wow pyrkhat yeini wa da dawa da slem bha heiwa kiwa boon kiwa kreh ha kini ki kaam chet toh ki kynthai.
Da ya emlang leh ha kani ka sngi wa u Khroo L Pariat kam uwa e buit ka seiñ, u J.A. Suting, Vice President wa u C. Shongwan, General Secretary.
Discussion about this post