Dawa ka CoMSO wow dam u thung kreh ya kawa pass MCS deiwa kam toh ka Garo  

Ka Confederation of Meghalaya Social Organisations (CoMSO) kawa man ka satri ki seiñbhalang hapoh jylla ynne da dawa ko na ka sorkar wow dam u thung kreh ya ka Esther Ngurlienmoi Marak wa da pass ya ka Meghalaya Civil Services (MCS) Examination hapoh ka Quota ki Garo kat hadooh wympu ye u pynsakhiat lada toh kawa na ka jaitbru Garo.

Ka COMSO da dawa ko leh wow thung da ka State-level Independent Enquiry Committee wow kynthup ya ki heh kur namo ki Nokma wa Mahari, ki bru na ki Autonomous District Council (ADC), ki bru chemphang ha i rukom im ki jaitbru ka jylla wow bichaar ya kani ka kaam wa kiwi tawon.

Da pynbaad wa ka Esther da chah jied ko hanla ym tikna wa toh kawa hiarjait na ka Garo wei lada kawaa tipmit da ka kur namo Mahari.

Chooh chooh da ong wa katkam ka jubab RTI na yung krehkaam Deputy Commissioner, East Khasi Hills District ha ka 20 Wisu 2025 da pyntikna wa ym em Record wa e ST Certificate cha ka Esther wei ini da pynartatien i ya ka CoMSO.

Related posts

Khut ka kur Pale ya ki khon ka kur wa lehbha hei puræ puthi yow pynkup burom

January 11, 2026

Mih kiwa pyrchang wow pynsñiaw yaphær jaitbru ha Garo Hills hadien wa yap uwi u bru seiñ

January 11, 2026

Da dawa leh wow pyntikna ya ka ST Certificate wa em ko, wow pynche ko kammon yoh ko ya ka, yi wa e wa weileh ym em ha ka Record ki kot ki sla yong ka.

Heijooh i por ka CoMSO da ong ko wa lada ka sorkar jylla ymye ko wow chimkhia yeini, neiliang yong ka ym yohsa ko wow lai da kiwi ki luti.