U Kerlang Ksoo uwa man kam uwa chong chnong ka Dkhiah West da thoh u cha u CEM ka JHADC yow booh ya ka Reception wa Judicial Branch ha East Jaiñtia Hills District.
Neidaw wym em kini ki chnat ka JHADC, da pynbor ko ya kiwa chong chnong ka East Jaiñtia wow hap u lai cha Jowai neibynta waroh ki kaam ki lada toh iwa khian næ kiwa heh wot du wow lai thied Form wei wow wan booh ya waroh ki jait Application wei ini da man ko i lutphut hei lai i wan khamtam ya ki pli ki warep wa kiwa dooh wa duk.
Ini da man ko leh i jooh heiyatoh wa kiwa yaleh mukotduma kiwa da hap wow lai cha Jowai yow yaleh yei hok ki.
Kamtæ da ong wa toh i kaamram ka JHADC wow pynjan yei chakri cha ki paidbah kamjooh wow pynsmat u pynyoh yei hok wei yow leh yeini emkaam chwa wow em ki chnat krehkaam cha kiwi ki thaw leh yow pynstiñ pynsuk ya ki bru yow yoh ki nadooh wow thied Form, wow booh Application kamjooh kiwon kiwon ki ujor ha Khliehriat.
Da ong leh wa ini ymtoh iwa eh neibhah ka JHADC em ko da ki spah ngut kiwa kreh wei ym emkaam de wow khut kreh thymme ki Grade-III wa Grade-IV kamjooh ki Judicial Officer kiwa ye wow pynkrehkaam ya kini ki chnat ka JHADC wei ym man ko iwa khia ya ka Council wow leh yeini waroh.
Discussion about this post