Myntu i miet u poi ka Sonam, mynstep u lai rah ha Kasari wei hadien won daw lai yah cha Sohra

Ki pulit ka Meghalaya da em ki ha luti yow wan yah ya ka Sonam Raghuvanshi cha Shillong neibynta u takit hajrong i chah pynyap u kurim ko, u Raja Raghuvanshi ha ka 23 tarik u Naisan.

Neiliang u Superintendent of Police ka East Khasi Hills, u Vivek Syiem da pyntip u wa ka Sonam daw wanpoi ko rap chibet i miet wei daw rah hakhmat ka yung bichaar mynstep ha Shillong katwa kiwi won kiwa emkti daw poi ki mynstep ka sngi.

Kam wow pynkynmoo wa ya ka Sonam da kem noh da ki pulit ka Uttar Pradesh na kawi ka dhaba kawa em ha Ghazipur, wei ka Kasari da e bor ko ya ki pulit ka Meghalaya wow chimkti 72 kynta yow lai yah ka wei wow takit katwa ya ki 4 ngut won kiwi kiwa da kem na Madhya Pradesh, ka Kasari u CJM Indore da e bor ko ya ki pulit ka Meghalaya 7 sngi wow takit.

U Vivek da pyntip wa katkam wa khana ka Sonam, hadien wa dep pynyap ya u Raja, da lai ki cha Indore, tangwa da pynrap u wa yeini dang hap wow pyntikna na kiwi won kiwa emktilang.

Related posts

TUR Slams Meghalaya Government for Enabling Illegal Coal Mining, Demands Accountability After Thangskoo Tragedy

February 8, 2026

Da pynlait Rs. 24 lak cha kiwa yap neiwa jia ha ka krem mooyong ha East Jaiñtia Hills

February 8, 2026

Hawa kylli, u SP da khana u wa ki pulit daw phah chwa ki wow pait yei chait i khiah ka Sonam, wei hadien itæ daw pyrkhat mynnu u lai yah ya ka cha Sohra cha i thaw wa pynyap ya u Raja wei wow batai yeiwa jia.

Hawa kylli chooh chooh, u Vivek da ong u wa ka Sonam da mih ko deiwa chim da ka Taxi na ka thaaiñ Mawkdok wei da chim ko da Tourist Taxi yow lai cha Assam wei da ku ko da ka rel cha Indore.