Da pynyoo yei thaw wa pynyap ya u Raja wa i thaw wa noh ya oo

Ki pulit ka Meghalaya ynne da pynwandur biang ki yei rukom pynyap ya u Raja Raghuvanshi deiwa batai ki 4 ngut kiwa emkti kiwa dadep chah kem.

Katkam wa chem ki pulit hadien wa takit, wa ya u Raja Raghuvanshi da pynyap deiwa mait da ka wait hadooh arsien na khlieh, chisien nadien wa chisien na khmat, wei hadien in da noh ya oo chapoh riat wa tip kam ka Riat Arliang kawa em ha Wei Sawdong.

Ki pulit da pynwandur biang ki ya ini wa jia ha ka thaw wa pynyap ya u Raja ha Wei Sawdong, deiwa batai wei pynyoo ki 4 ngut wa kynthup ya ka kurim u Raja, ka Sonam Raghuvanshi, u Vishal Singh Chauhan, u Anand Kurmi wa u Akash Rajput .

Kam wow pynkynmoo wa u Raja Raghuvanshi da chah pynyap u ha ka 23 tarik u Naisan wei yei metyap u da chem ha ka 2 tarik uni u bnai, katwa ka Sonam wa 3 ngut kiwa emkti ha ini i kaam da yut wei da lai kem ya ki na Indore, Madhya Pradesh wa na Ghazipur, Uttar Pradesh hadien wa ki pulit da chem kse ki wa emkti ki wow leh ya ini i kaam.

Related posts

I pyntip wa emkaam cha kiwa Book LPG Cylinder hapoh ka Amlarem Sub-Division

March 27, 2026

Yachem ki MDC ka JHADC wa u Conrad yow pynkylla ka Rule deilang u su noh ka tulop wa dang sah

March 26, 2026