Khut ka AJC&SA ya ki Contractor na Jaiñtia Hills wow man dkhot

Ka seiñ ki Contractor wa ki Supplier yong ka Ri-loom Jaiñtia kawa tip kam ka All Jaiñtia Contractor & Supplier Association (AJC&SA) ha ka Executive Committee kawa dep pynman, da rai ko wow khut ya waroh ki para Contractor hapoh ka Ri-loom Jaiñtia wow pynyabi (Register) wa ka seiñ khnang wa ka seiñ leh u tipmit ko ya ki kam ki dkhot wa pura.

Kani ka seiñ ki Contractor toh kawa da seiñ hajrong ka yurim wow pait wow sylli ya i bha i miat kamjooh ya i eh i khor yong ki para Contractor wa ki Supplier waroh hapoh Ri-loom Jaiñtia khlem da em næ kheiñ ya itæ i yatoh wa ki kaam Politics.

Chooh chooh kani ka seiñ em ko leh ka thong wow ya kyntu kynrong ya i bha i miat yong ka imlang sahlang ha waroh ki liang deiwa yakrehlang leh wa ka seiñ ki Contractor hapoh Meghalaya kawa tip kam ka All Meghalaya Contractor & Supplier Association kamjooh wa kiwi kiwi ki seiñ kiwa em i thmu wa bha.

Related posts

Kylli ka KYM na u DC iyi wa da leh ya ka poisa wa da booh yow yada ya ka wah Myntdu kawa da ktieh biang kattæ

October 31, 2025

Yachem ka JSU wa u Chairman ka MPSC yow lait biang u tyngkhooh tarik wa ka DSC

October 31, 2025

Katwa kamtæ ka seiñ kyntu wei kyrpaad ko ya waroh ki para Contractor wa ki Supplier wow pynyabi ki chirup wa ka AJC&SA khnang wa ka seiñ u man ko kawa khlan kawa ye u pyndep ya iwa angnood neibynta i bha i miat yong ki para Contractor wa ki Supplier kamjooh ka imlang sahlang waroh kawi.

Kani toh katkam i pynlait khubor na u Publicity Secretary ka seiñ, u Shanbor Lamare wei yow tip bniah ye u Phone ha u 7005874528.