3rd Division EJHDFA: Jop ka Rymbai Pohskur wa ka Moonongtdu

by Wyrta Staff

July 3, 2025

Reading Time: 2 mins read

Ka 3^rd Division 2025 ka East Jaintia Hills District Football Association (EJHDFA) dapoi ko cha ka sngi wa le ynnin deiwa pynman le tylli ki yalehke.

Ka yalehke wa nyngong da kut ko da 1-1 hapyrdi ka Umrasiang United SC wa ka Youth SC Pyrtakuna. Ya ka Pyrtakuna da thap da u Empliios Pala ha ka minit wa 25 katwa ya ka Umrasiang da thap da u Ten Muksor ha ka minit wa 80+3.

Ha ka yalehke wa ar, ka Rymbai Pohskur da jop ko da 7-0 ya ka Umtyra YWSC da ki kool wa thap u Veryfy Bareh ha ka minit wa 12, u Kyrmen Bareh (OG) ha ka minit wa 14 wa 43, u Emon Nongtdu ha ka minit wa 17 wa 80+1, u Chester Nongtdu ha ka minit wa 49 wa u Lamphrang Dkhar ha ka minit wa 37.

Ha ka yalehke wa le, ka Moonongtdu SC da jop ko da 2-1 ya ka Iongkaluh SCSC. Ya ka Moonongtdu da thap da u Miki Lyngdoh ha ka minit wa 23 wa u Poibiang Lamurong ha ka minit wa 26 katwa ya ka Iongkaluh da thap da u Jermi Dkhar ha ka minit wa 7.