Hadooh 62 lak tylli ki kari warim ha Delhi ki wym yoh phniang de deiwa khang ka sorkar

I rai ka sorkar Delhi wow khang ya ki Petrol Pump wow e phniang ya ki kari kiwa da kut por kiwa da rim (End of Life) kiwa em palat 15 snem kiwa pynemkaam dei Petrol wa 10 snem ya ki kari wa pynemkaam dei Diesel da wanrah ko yei ood na kiwa boon neibhah da em kamwa 62 lak tylli kam kini ki kari katkam ka yukheiñ ka VAHAN wei na kini da em 41 lak ki ar chaka wa 18 lak ki soo chaka khlem da kheiñ sa ki kari le chaka kam ki Auto Rickshaw wa kiwi kam ki Bus. Katkam wa kheiñ won ka sorkar da em 60.14 lak tylli ki kari kiwa da chah pyndam ka Registration ki neidaw wa da kut i por ki.

Ini i rai ka sorkar toh yow pynduna noh yei jakhlia ka la-ær namo ka Air Pollution wa joor bha ha thaaiñ Delhi tangwa ki paidbah won ong ki wa ini iwa leh ka sorkar toh i wym yahaap neibhah ki su ki ya ka dan wa tip kam ka Road Tax deiwa kylli leh yow krum u su ya kani ka dan wa lada hadien 10 snem 15 snem da hap wow noh noh ya ka kari.

Em kiwa ong wa deiwa pynemkaam ya ka kari 15 snem ha ka thaaiñ National Capital Region (NCR) ym poi tang 30% neiwa ye u pynemkaam ka.

Uwi u bru won uwa em da ka kari wa syad dor kawa ym em pynemkaam man-ka-sngi da ong u wa ka Deiesl Range Rover u kawa dang 8 snem toh kawa dang miat bha wei da lai dang du 74,000 Km wei lada ym ye de u pynemkaam ka manda dap ko 10 snem toh i dooh nong wa joor neibhah kani ka kari toh kawa ye u pynemkaam boon boon snem bha.

Related posts

Chah rah bor ki le ngut ki nong India ha ka seiñ kieñ suloi wa emyatoh wa ka Al-Qaeda

July 3, 2025

Dei por booh ka High Court yeiwa ye kiwa chongdai madan u dai ya ki mar ki

July 3, 2025

Ka sorkar da pyenmkaam ko da ki Automatic Number Plate Reader Cameras ha 350 tylli ki Petrol Pump yow tip kiwon ki kari wa da rim yow lait u e phniang ya ki iwa da sdang wow leh nadooh ka 1 tarik uni u bnai.

Da booh leh ki bru na ka chnat Transport kamjooh ki pulit ha ki Petrol Pump kam ha South Delhi.

Ki tre Petrol Pump da ong ki wa hadooh katwon u ye u tip kawon ka kari warim wei hadooh katwon u ye u em bait ki pulit ha ki Petrol Pump wei neiliang kiwa kreh leh da ong ki wym em wa hikai ki yow tip ki kiwon kitæ ki kari kiwa da rim.

Ki bru paidbah da ong ki wa em boon ki kari warim kiwa dang miat ki wym em pynjakhlia ya ka la-ær wei ya kam kini man ko i dooh nong neibhah lada em ki tang ka Pollution Under Control Certificate (PUCC) toh u man ko kawa biang ya ki wow pynemkaam ki.