Hanla ka JHADC da tipmit ko ya ki 36 tylli ki chnong ki Pnar wa em ha Block-1 tangwa ka sorkar jylla won ym pu em

Hajrong i ood i naam kiwa yahkhmat chnong wa em hapoh ka Elaka Labang Nongphyllut (Block-1) wa da chem chitom ki hei wow yoh ki kot ki sla wa emkaam kam ka EPIC, Aadhaar Card, Birth Certificate wa kiwi de ki du neidaw wym tipmit ka sorkar ya kini ki chnong kiwa da em hadooh 36 tylli kiwa haap hapoh ka Block-1, da jinjar ki bru Pnar kiwa sah ha kini ki chnong hadooh wa em ki khynnah wa hap ki wow pep skur neidaw wym yoh ya ki kot ki sla wa emkaam.

Kam wow kdaw heini wa neiliang ka JHADC dadep ko wow tipmit ya kini ki chnong ha ka 16-08-23 heiwa da e sanad leh cha kini ki chnong tangwa neiliang won ka sorkar hadooh ynne ym pu em tipmit ko ya kini ki chnong kam kiwa em hapoh u pood u ang ka Meghalaya.

ADVERTISEMENT

Kamtæ ynne ka sngi hei yahkhmat u SK Blah, President ka HNYF, da lai booddien yeini deiwa emlang ki waheh chnong chirup ka Hynniewtrep Border Dispute Redressal Forum (HBDRF) heiwa da yachem wa u CEM ka JHADC, u Thombor Shiwat, uwa da pyntip wa neiliang yong oo dadep wow phah dei thoh cha ka chnat sorkar wa toh u pait yeini, wei da pyntip u wa daw booddien biang yeini.

Neiliang u S.K. Blah da ong u wa ini i wym tipmit da ka sorkar jylla ya kitai ki chnong da booh ko hei eh ya ki paidbah wa em ha katai ka chnong nadooh ka puræ puthi, ka roi ka paar wa i chait i khiah.

Related posts

Chah Suspend wei da Register Case pyrchah ya 5 ngut ki pulit ka Sohra Police Station

July 9, 2025

Ar tylli ki takma ksiar wa kawi ka takam rupa yoh ka Olivia ha ka National Arm Wrestling Championship

July 9, 2025

Da maham u leh ya ki seiñ Karbi kiwa da myllien wow pynchit wei maham ya ki Pnar wa em ha kani ka thaw deiwa pynkynmoo ya ki wa em boon ki Karbi wa sah wei puræ puthi hapoh Meghalaya khlem da chah pynthut.

Neiliang u P. Rymbai kam u dkhot ka HNYF Jaiñtia Hills da ong u wa ka seiñ daw booddien ko yeini wei daw yachem leh wa ki BDO ha kini ki sngi wow wan.