U Deputy Chief Minister, u Sniawbhalang Dhar da ong u wa i man i long ha Lapangap toh iwa da jai-jai heiwa da phah ya ki pulit wow yada ya ki tre chnong.
Da ong u wa kini ki thaw ha Lapangap toh kiwa dang emkaam wow yaklam ha ki Regional Committee wei emkaam u pyntikna wa em i chongsuk ha kini ki thaw.
Heiyatoh wa i artatien ki warep wow lai cha hali heiwa da dawa wow booh pulit cha ki thaw rep wow yada, u Sñiawbhalang da ong u wa da pynbiang ya ki pulit wei da phah ya u DC wow yachem wa kiwa chong chnong wow pyntikna wa lai rep ki khlem i tieñ.
Heijooh i por da ong u wa i em ki pulit na pyn ar jylla toh wow wanrah yei sñiaw chngaaiñ hapyrdi ki paidbah na waroh ar liang.
Hawa kylli won mynnu u klam yasuk wow ya pynbait yeini da ong u wa da man kiwa da pynkhreh wow yaklam wa ki liang na Assam wei ki DC na ar liang leh da yaklam ki langær wei dang thooh paaid wow pynbait pura noh ya ini i kaam.
Chooh chooh da ong u wa i kaam pynbait pood ha Rattacherra toh iwa da pyndep wei dang yaklam kattu toh ha Khanduli-Psiar wa Block-1 yeiwa ka sorkar da chimkhia ko yeini.
Da ban joor u leh wa da em ki kaam wa da sah da slem bha wei ka sorkar yaleh smat ko wow pynbait noh ya ki.
Discussion about this post